Bo día:

Dende a Concellería de Cooperación e Participación Cidadá do Concello de Oleiros queríamos solicitar a vosa colaboración coa Asociación Participa por la Inclusión Social para un proxecto de cooperación
Internacional que teñen en Grecia: unha Casa de Acollida para mulleres refuxiadas sirias e as súas crianzas.

Existe unha gran necesidade nesa casa de acollida de produtos específicos para os recén nacidos e para os nenos e nenas menores de 3 anos, principalmente no que a súa alimentación e hixiene se refire polo que son precisos produtos de primeira necesidade moi específicos para este sector de poboación: cueiros, leite e cereais.

Nestes días vos chegaran ás casas a través do alumnado a carta que achegamos, e colocarán nos centros carteis onde se explica onde depositar os produtos entre o 11 e o 18 de decembro. O día 19 pasaríamos a recollelos.

Coma sempre agradecer de antemán a vosa colaboración e solidariedade, así como desexarvos unhas felices festas e un bo 2019!

Unha aperta

Oleiros, 10 de decembro de 2018

Marga Figueroa
Concelleira de Cooperación internacional, Recursos Humanos e Participación cidadá
[cid:image003.jpg@01D173EF.D7274CB0]

As votacións realizaranse no centro o día 26 de novembro en horario de 17:00 a
20:00 horas. A mesa electoral será constituída ese mesmo día ás 16:54 horas.
8. Na papeleta de votación cada elector fará constar un máximo de 1 nome dos
candidatos presentados, debendo acreditar a súa identidade mediante a exhibición do
DNI ou documento similar. O voto será directo, secreto e non delegable.
9. Teñen dereito a voto o pai, a nai e, se é o caso, o titor legal do alumnado.
10. Finalizada a votación procederase ao escrutinio final dos votos, que será público, e
unha vez realizado, levantarase acta para o seu envío á Xunta Electoral.
8. A Xunta Electoral resolverá as dúbidas e reclamacións que se poidan formular.

SECTOR REPRESENTANTES LEGAIS DO ALUMNADO

                Unha vez finalizado o prazo de presentación de candidaturas para a elección dos representantes legais do alumnado no CONSELLO ESCOLAR, a XUNTA ELECTORAL do IES María Casares fai pública a relación das persoas candidatas que se presentan á referida elección, segundo se indica de seguido por orde alfabética de apelidos:

1. Dona Isabel Cuesta Rivas

2. Dona Patricia Digón Regueiro

 Segundo o establecido no artigo 41 do Decreto 374/1996, do 17 de outubro, (DOG do 21 de outubro), corresponde elixir no presente proceso electoral a 1 membro do sector de representantes legais do alumnado, dun total de 3 que debe ter o Consello Escolar. O resto dos representantes continúan como consecuencia da súa elección no ano 2016 (1) e o terceiro é a representante proposta pola ANPA .

        A campaña electoral comprenderá dende o 19 ao 24 de novembro, ambos días inclusive.

        O que se fai público para xeral coñecemento.

Oleiros, 20 de novembro de 2018

A DIRECTORA DO CENTRO E PRESIDENTA DA XUNTA ELECTORAL

Asdo.: Mª Ángeles Balseiro Balseiro

Bo día!

Dende a concellería de Servizos Sociais queremos invitarvos a participar na VII Andaina contra a Violencia de Xénero que organiza o Consorcio As Mariñas arredor da Ría do Burgo o sábado 24 de novembro con motivo do Día Internacional contra a Violencia de Xénero.

Esta andaina está organizada e apoiada por todos os concellos co obxeto de amosar o rexeitamento de todas as veciñas e veciños das Mariñas ao maltrato, á violencia e á desigualdade de xénero.

É unha andaina de carácter inclusivo e accesible en todo o seu percorrido co obxectivo de que participe toda a sociedade dende a xente maior aos nenos e nenas de cada familia.

A saída é ás 10:30 h na Casa das Palmeras, xunto á ponte do Burgo, pola parte de Cambre, onde está a marquesina grande da parada do bus. Dende ás 10:00 h estaremos dando a benvida ás persoas participantes para poder iniciar á andaina puntualmente.

A andaina rematará no CEIP Portofaro, tamén en Cambre, a carón da ría, sobre as 12:30 h, onde se leerá un manifesto contra a violencia de xénero.

Podedes participar facendo toda a andaina, unha parte ou achegándovos á súa chegada ao CEIP Portofaro. Achego a imaxe do cartel anuncindo a andaina e outro co percorrido en formato JPG para poder compartir polo whatsapp mais fácilmente.

Por favor compartide esta información coas familias dos vosos centros para tentar que sexa masivo e visible o rechazo á violencia de xénero por parte de toda a sociedade, nun ano como este 2018 onde, tras o 8M, penso que se inciou un camiño real e consciente pola igualdade que xa non ten volta atrás e no que debemos ser todas e todos partícipes, tendo a responsabilidade de transmitilo tamén aos nosos fillos e fillas.

Moitas grazas coma sempre pola vosa colaboración. Unha aperta

nacho

Ignacio Crespo López

Concelleiro de Servizos Sociais e Sanidade

https://www.facebook.com/servizossociaisoleiros

Boas tardes.

Xuntamos programa da Mobile Week Coruña que vaise celebrar na Coruña e outras localidades. Parécenos unha actividade interesante para os nenos, xóvenes e adultos, relacionada coas novas tecnoloxías.

Saúdos

ProgWeekCoruna_borrador_es

Estimados Señores e Señoras:

A violencia de xénero converteuse nos últimos anos nunha lacra social, que afecta a toda a sociedade, a todos e todas por igual. Ante esta situación, debemos reaccionar; primeiro, recoñecendo que o problema existe e persiste, analizando os motivos que a causan para finalmente actuar contra ela de xeito contudente e decidido.

Ante estas situacións, o medo non pode ser unha opción; como individuos non podemos ter medo a denunciar a violencia, a actuar contra ela ou a protexer ás vítimas que a sofren. O medo é un elemento coactor que nos impide apreciar obxectivamente os problemas que nos rodean, por iso compre superalo.

Nace así campaña “ Quen dixo medo?” unha  campaña impulsada pola Deputación da Coruña encamiñada á sensibilización e prevención da violencia de xénero e a dotar á poboación dos mecanismos, coñecementos e habilidades precisos para detectar as súas diversas manifestacións.

No presente proxecto, participan os concellos pertencentes á provincia da Coruña con menos de 20000 habitantes, nos que se desenvolverán durante os anos 2017-2018 accións de carácter formativo, coeducativo e informativo.

Nesta ocasión, temos o pracer de convidalos e convidalas a unha charla informativa sobre afectividade e sexualidade, facetas fundamentais na vida das persoas que cobran especial relevancia na etapa da adolescencia. Resulta fundamental por tanto, desenvolver unha ética social que permita establecer relacións baseadas na igualdade, responsabilidade, e no respecto á diversidade sexual e de xénero, ao tempo que se eliminan as crenzas e prexuízos infundados en torno á sexualidade.

Dito evento terá lugar no concello de Sada, día 28 de novembro, no Salón de usos múltiples do IES Isaac Díaz Pardo. Sada. Horario de 19:00 a 20:30.

Esperamos contar coa súa participación e agradecemos de antemán a súa colaboración.

Reciban un cordial saúdo.

Díptico charla afectividade-sexualidade (1)

cartel charla volta ao cole disciplina positiva (1)

Desde la actividad extra-escolar del English Club se va a realizar una inmersión lingüística en Irlanda en el mes de julio 2019.Está orientado a alumnos y alumnas de 4 ESO, 1º y 2º de BAC.

El próximo martes 13 de noviembre a las 16.30 habrá una reunión informativa en el aula de inglés.

CARTEL BACH NUEVAS FECHAS (2)

Bo día familias!

“Acompañando na adolescencia” ou cómo sobrevivir ao Big Bang emocional é o Obradoiro que a concellería de Servizos Sociais vai poñer en marcha no mes de novembro para as familias de Oleiros con rapaces ou rapazas entre 12 e 18 anos.

As inscricións serán a través da web municipal www.oleiros.org, na sede electrónica, no apartado cidadáns e empresas, en trámites on line, a partir das 10:00 h do xoves 25 de outubro e ata o luns 29 de outubro ás 14:00 h.

As prazas adxudicaranse por orde de inscrición. O número de prazas por obradoiro é de 15 persoas.

O obradoiro ten como obxectivo dotar de ferramentas aos pais e nais de menores adolescentes para acompañalos nesa difícil etapa da vida, na que se cuestionan as referencias e a autoridade e se constrúe o que será a súa identidade.

Hai un grave risco de perder a comunicación ou de instalarse no conflito permanente, polo que é preciso coñecer algo mais desta etapa e ter unha capacidade de empatía e de comprensión acerca do que están a vivir os nosos fillos e fillas, para estar aí cerca, presentes, acompañando.

O obradoiro terá unha duración de 16 horas, en 8 sesións de 2 horas cada unha que se desenvolverán os martes e os xoves do mes de novembro, de 19.00 a 21:00 h, na casa da Cultura de Perillo.

A metodoloxía proposta para este obradoiro, como é habitual, será con dinámicas vivenciais, participativas e dende unha perspectiva na que o sentido do humor tamén será unha parte importante, xa que é un elemento imprescindible para a xestión emocional nesta etapa.

As docentes encargadas de impartir este obradoiro son Sara Vierna e Virgina Pañeda, dúas profesionais con ampla experiencia e coñecemento tanto neste campo, como na xestión emocional, o mindfullnes, as redes sociais e a perspectiva de xénero. Anteriormente impartiron o de “redes sociais e adolescencia” con moi bos comentarios por parte das familias que acudiron.

Achego tamén o cartel nun formato que permite a súa difusión por redes sociais e whatsapp.

Agardamos que esta actividade sexa do voso interés.

Un saúdo

nacho

Ignacio Crespo López

Concelleiro de Servizos Sociais e Sanidade

https://www.facebook.com/servizossociaisoleiros